FAQs Complain Problems

समाचार

आईसोलेसन सेन्टरको पछिल्लो अवस्थाका बारेमा छलफल

आईसोलेसन सेन्टरको पछिल्लो अवस्थाका बारेमा छलफल

कोरोना विशेष देउखुरी आईसोलेसन सेन्टर  राप्ती गाउँपालिका मौरिघाटको बारेमा पछिल्लो समसामयिक विषयमा बुधवार छलफल गरिएको छ ।
देउखुरी क्षेत्रका चार वटा स्थानिय निकायहरुको पहलमा सञ्चालनमा आएको सो कोरोना विशेष देउखुरी आईसोलेसन सेन्टर अव कसरी संञ्चालन गर्ने भन्ने वारेमा चार वटै पालिका विच छलफल गरिएको हो ।
राप्ती गाउँपालिका अध्यक्ष नुमानन्द सुवेदिको अध्यक्षतामा भएको बैठकमा ५ नं प्रदेश सभा सदस्य ईन्द्रजित चौधरी,लमहि नगरपालिका प्रमुख कुल बहादुर केसी, राजपुर गाउँपालिका अध्यक्ष लोकराज केसी लगायतको सहभागीता रहेको थियो ।
बैठकमा चार वटै स्वास्थ्य प्रमुखहरुले पछिल्लो कोरना संक्रमणको अवस्था र हाल सम्मको अवस्था र ब्यवस्थाको बारेमा जानकरारी गर्नु भएको थियो ।
विश्व स्वास्थ्य संगठनको मापडण्ड र नेपाल सरकार स्वास्थ्य मन्त्रालयको परिपत्रको बारेमा समेत छलफल गरिएको राप्ती गाउँपालिका स्वास्थ्य शाखा संयोजक नारायण राउतले जानकारी दिनुभएको छ ।
कोरोना विशेष देउखुरी आईसोलेसन सेन्टर राप्ती गाउँपालिका मौरिघाटमा हाल सम्म चार पालिकाका १०२ जना कोरना संक्रमित राखीएकोमा ८६ जनालाई विश्व स्वास्थ्य संगठनको मापडण्ड र नेपाल सरकार स्वास्थ्य मन्त्रालयको मान्यता अनुरुप हेरचाह गरि घर पठाईएको छ भने १६ जना अझै सेन्टरमा उपचारको क्रममा रहनु भएको छ ।
बैठकमा राप्ती प्राविधिक शिक्षालयमा सञ्चालनमा रहेको सो कोरोना विशेष देउखुरी आईसोलेसन सेन्टरका कारण नेपाल सरकार शिक्षा मन्त्रालय र परिक्षा नियन्त्रण कार्यालयले सुरु गर्ने भनेको परिक्षा सञ्चालन गर्न सकीने वा अन्यत्र बैकल्पीक स्थानमा परिक्षा सञ्चालन गर्ने भन्ने वारेमा समेत छलफल गरिएको छ । 
कोरना संक्रमित राख्ने कोरोना विशेष देउखुरी आईसोलेसन सेन्टर र अध्यापन गराउने प्राविधिक शिक्षालयका विषयमा समेत राप्ती प्राविधिक शिक्षालयका प्रतिनिधि संग छलफल समेत गरिएको छ ।

तिर्थराज ज्ञवाली 
साउन १४, मसुरीया(देउखुरी दाङ)

आर्थिक वर्ष: