फरक फरक स्थानिय तहका सामुदायीक वनका उपभोक्ता भएपनि वनको कानुनमा सबैको समान अधिकारहुन आवस्यक

कुलपानि सामुदायकि वन उपभोक्ता समुहको २५ औ वार्षिक साधारण सभा बुधवार सम्पन्न भएको छ । सभामा  फरक फरक स्थानिय तहका सामुदायीक वनका उपभोक्ता भएपनि वनको कानुनमा सबैको समान अधिकारहुने बताईएको छ ।
बार्षिक रुपमा शहिद दिवसको अवसर पारेर साधारण सभाको आयोजना गर्ने कुलपानि सामुदायकि वन उपभोक्ता समुह गढवा गाउँपालिका १ बडहराले दुई  स्थानिय तहका उपभोक्ताहरुले बन प्रयोग गर्दै आएपनि सबैलाई समान रुपमा सामुदायीक वनको विधान तथा कार्ययोजनाले मान्दै  आएको र सबै उपभोक्ताहरुले बनपैदावार समेत आवस्यकता अनुसार प्रयोग गर्दै आएको बताईएको छ ।
बन समुहका अध्यक्ष देवलाल यादवको अध्यक्षता, प्रदेश नं ५ का सांसद ईन्द्रजित थारुको प्रमुख आथित्यता, राष्ट्रिय जनमोर्चाका केन्द्रीय अध्यक्ष रेश्मीराज नेपाली,राप्ती गाउँपालिका अध्यक्ष नुमानन्द सुबेदि, गढवा गाउँपालिका अध्यक्ष सहजराम यादवको विशिष्ट आथित्यतामा  सम्पन्न २५ औ वार्षिक साधारण सभाको उद्घाटन सत्र सम्पन्न भएको छ । 
सभामा बोल्दै राप्ती गाउँपालिकाका अध्यक्ष नुमानन्द सुवेदिले कुलपानी समुहले वातावरण तथा बन संरक्षणमा खेलेको भुमीकाको प्रशंसा गर्नुभएको छ । अध्यक्ष सुवेदिले वन वातावरण संरक्षण गर्दै प्राकृतिक सम्पदा को रक्षाको लागि कुलपानी वन समुहका उपभोक्ताको समेत प्रसंम्सा गर्नुभएको छ ।
सभामा  समुहका सचिव नवराज शर्माले समुहको बार्षिक प्रगति प्रतिवेदन प्रस्तुत गर्नुभएको थियो । २५ औ वार्षिक साधारण सभाको अवसरमा समुहले उपभोक्ता समुहको कार्यक्षेत्रका विद्युवा, अपाङ्ग, उत्कृष्ट विद्यार्थी, उत्कृष्ट उपभोक्ता, समुह खेलमा विजयी, समाजसेवीहरुहरुलाई सम्मान समेत गरिएको छ ।
२५ औ वार्षिक साधारण सभाको उद्घाटन कार्यक्रम पश्यात बन्द सत्रले नयाँ नेतृत्व चयन गर्ने समुहका उपाध्यक्ष राकेश शर्माले जानकारी दिनुभएको छ ।

तिर्थराज ज्ञवाली
१६ माघ, कुलपानी(दाङ)