खेलकुद प्रतियोगीता सम्पन्न क्रिकेट फुटवल प्रथमलाई विस विस हजार नगद एवं प्रमाणपत्र 
तिर्थराज ज्ञवाली 
२९ पौष, मसुरीया(दाङ)
राप्ती गाउँपालिका वडा नं २ मा वडा स्तरिय खेलकुद प्रतियोगीता आईतवार सम्पन्न भएको छ ।
राप्ती गाउँपालिका वडा नं २ को यस आर्थिक वर्ष २०७५।०७६को स्वीकृत वार्षिक कार्यक्रम अन्तरगत वडा स्तरिय खेलकुद प्रतियोगीता कार्यक्रम आयोजना गरिएको थियो ।
फुटवल, ब्याडमीन्टन र क्रिकेट खेल सञ्चालन भएको र यस खेलको आयोजनाले स्थानिय खेलाडीहरको प्रतिभा प्रस्फुटन तथा खेलकुद प्रति रुचि बढाउने कार्यका लागि कार्यक्रमको आयोजना गरिएको वडा नं २ का वडा अध्यक्ष जगत बहादुर थापाले जानकारी दिनुभएको छ ।
गत बुधवार देखी सुरु भएको कार्यक्रमको समापन कार्यक्रममा बोल्दै राप्ती  गाउँपालिका अध्यक्ष नुमानन्द सुवेदिले  २ नं वडाले सञ्चालन गरेको खेलकुद कार्यक्रम जस्तै अन्य वडाहरुले समेत प्रतियोगीता सञ्चालन पश्यात यस क्षेत्रका युवा तथा खेल प्रेमीहरुलाई खेल प्रतिको रुचिको विकास हुने र दक्ष खेलाडिको पहिचान गराउन समेत खेलकुद प्रतियोगीता आवस्यक रहेको बताउनुभएको छ ।
राप्ती गाउँपालिका वडा नं २  का वडा अध्यक्ष जगत बहादुर थापाको अध्यक्षता, राप्ती गाउँपालिका अध्यक्ष नुमानन्द सुवेदिको प्रमुख आथित्यता एवं  प्रमुख प्रशासकिय अधिकृत जगत प्रसाद भुसालको विशिष्ठ आथित्यतामा विजयीहरुलाई पुरस्कार वितरण गरिएको छ ।
प्रतियोगीतामा ब्यडमीन्टन तर्फ स्याम रोका र हिरामणी शर्माको टोली प्रथम, नारायण रोकाको टोली द्धितिय, फुटवल खेल तर्फ दिपक खनालको टोली प्रथम,सरद घिमिरेको टोली द्धितिय, क्रिकेट खेल तर्फ पवन पाण्डेको टिम प्रथम र सुवाष भुसालको टोली द्धितियहुन सफल भएको छ । 
विजयी टोलीलाई नगद तथा प्रमाण पत्र प्रदान गरिएको छ । नगद पुरस्कारमा  ब्यडमीन्टन तर्फ प्रथम लाई पाँच हजार, द्धितियलाई एक हजार पाँच सय, फुटवल खेल तर्फ प्रथम लाई विस हजार र द्धितिय लाई दश हजार, क्रिकेट खेल प्रथमलाई  विस हजार  र द्धितिय लाई दश हजार प्रदान गरिएको छ ।