FAQs Complain Problems

समाचार

परम्परागत सीप हस्तान्तरण गर्दै २० दिने ढकीया बुनाई तालिम सम्पन्न ।

तिर्थराज ज्ञवाली पुष २१, पत्थरगढवा (देउखुरी दाङ) लुम्विनी प्रेदेशको राप्ती गाउँपालिका वडा नं ६ का ६१ महिलाहरुलाई गत पुस १ गते देखी सुरु गरिएको परम्परागत सीप हस्तान्तरणका लागि ढकीयाँ बुनाई तालिम सम्पन्न गरिएको छ । दाङ देउखुरीका थारु जातीमा अति महत्वका साथ प्रयोग गरिने लोपहुदै गएको सुपली, नुईयाँ, ढकीयाँ, डेलवाँ, भौका बनाउने शिप हस्तान्तरण गर्न परम्परागत सामाग्रीको संरक्षणका लागि ढकीयाँ बुनाई तालिममा २६ प्रकारका सामाग्री बनाउन सिकाइएको यियो । राप्ती गाउँपालिका वडा नं ६ को यस आर्थिक वर्षमा सीप बृद्धि तथा आयस्तर बृद्धि कार्यक्रम अन्तरगत भगवानपुर, सगरापुर, बगरापुर, मझेरीयाँ र पत्थरगढवा गाउँका ६१ जना महिलाहरुले तालिम प्राप्त गरे अनुसार आफुहरुले शिकेको शिप तथा परम्परागत सामाग्रीको निर्माण तथा प्रयोग बढाउने प्रतिबद्धता समेत गरिएको छ । वडा अध्यक्ष बेद प्रसाद चौधरी, राप्ती गाउँपालिका उपाध्यक्ष जगदम्वा कुमारी चौधरी, वडा नं ७ का अध्यक्ष विद्याशरण चौधरी, कार्यपालिका सदस्य तारा कुमारी चौधरी, वडा सचिव मंगल प्रसाद चौधरीले तालिमका सहभागीलाई सीपमुलक शुभकामना प्रदान गर्दै हौसला बढाउनु भएको थियो ।

आर्थिक वर्ष:

Poll

राप्ती गाउँपालिकाको शैक्षिक गुणस्तर सुधार गर्न के गर्नु पर्ला ?