FAQs Complain Problems

समाचार

सांसदहरुद्धारा राप्ती क्षेत्रमा भेटघाट

सांसदहरुद्धारा राप्ती क्षेत्रमा भेटघाट

राप्ती गाउँपालिकाको भालुवाङ क्षेत्र लुम्बिनी प्रदेशको केन्द्रको रुपमा छनौट भए संगै बुधवार काग्रेश सांसदहरुले राप्ती क्षेत्रमा भेटघाट गर्नु भएको छ ।

प्रदेश को राजधानी तोक्ने बारेमा मतदान भए पश्चात नेपाली काग्रेशका तर्फवाट समर्थन गर्ने ५ सांसदले राप्ती गाउँपालिकामा नागरिक तथा जनप्रतिनिधि संग भेट गर्नु भएको हो ।

प्रदेश राजधानी दाङको देउखुरी उपत्यका बनाउने प्रस्ताव दुई तिहाइ बहुमतले पारित गर्न काग्रेशको तर्फवाट मतदान गर्नुहुने दाङ, बाके र बर्दिया जिल्लाका सांसद डिल्ली चौधरी, अर्जुन श्रेष्ठ, राजु अन्सारी, भुवनेश्वर चौधरी र शंकर गीरीले राप्ती गाउँपालिकामा नागरिक तथा जनप्रतिनिधि संग भेट गर्नु भएको हो ।

भेटघाटको क्रममा काग्रेश सांसदहरुले पार्टिलाई उच्च स्थानमा राख्दै प्रदेश भरिका नागरिकको सम्मान र संघियताको मर्मलाई सस्थागत गर्न प्रदेशसभा बैठकमा प्रदेशको नाम लुम्बिनी र राजधानी दाङको देउखुरी उपत्यका बनाउने प्रस्तावमा मतदान गरेको बताउनु भएको छ ।

प्रदेश ५ को प्रदेशसभा बैठकले प्रदेशको नाम लुम्बिनी र राजधानी दाङको देउखुरी उपत्यका बनाउने प्रस्ताव दुई तिहाइ बहुमतले पारित गरेको थियो । देउखुरी उपत्यकामा पर्ने राप्ती गाउँपालिका, गढवा गाउँपालिकाका वडा नं. १, २ र ३ तथा अर्घाखाँचीको शीतगंगा नगरपालिकाका वडा नं. ८ र ९ ले चर्चेको भूभागमा प्रदेश राजधानी बन्ने निर्णय भएको छ ।

तिर्थराज ज्ञवाली

असोज २१, मसुरीया(देउखुरी दाङ)

आर्थिक वर्ष:

Poll

के तपाई गाउँपालिकाको काम कारवाही प्रति सन्तुष्ट हुनुहुन्छ ?